婚礼主持人讲话稿

婚礼主持人讲话稿 1、开场白： 大家晚上好，曾林林先生，陈美娟小姐既婚礼仪式马上就要开始啦，有请各亲朋戚友就座，多谢合作，曾林林先生陈美娟小姐既婚礼现在开始。（音乐） 爱情系世界上最美丽既花朵，系人世间最信赖既音符，系生命中最奇迹既力量，亦都是生命中最动人既故事。亲爱既来宾朋友，请大家一齐来睇大屏幕，让我们大家一齐来分享呢段最浪漫动人爱情故事。见证曾林林先同陈美娟小姐浪漫既时刻。 曾林林已经长大成为王子，系呢度，距即将实现距既梦想，迎娶距梦中既情人，生命中最爱既女神，下面让我地用热烈既掌声有请我地既新郎哥曾林林先生闪亮登场： （新郎出场）往拱门走去。音乐响起： 甘新郎哥己经系拱门度急切等待，呢个时候，我们用最热烈既掌声迎接我地最美丽动人既新娘子入场啦！（音乐） 新娘陈美娟小姐有住倾国倾城既容貌，比西施赛貂婵的身姿，国色天香既笑容，简直就系传说中既白雪中公主既化身啊。 （新娘子系爸爸既陪同下来到拱桥） 衣家有请陈爸爸入座。（音乐响起）（婚礼进行曲） 好啦，各位，准备好你地既掌声，欢呼声，尖叫声，我地既新人入场啦！ 亲爱既来宾，尊敬既各位朋友，爱情系神圣既，婚姻系爱情既避风港，今日，我地既一对新人，距地既爱情经过左春天既播种，夏天既耕耘，秋天既成熟，冬天既考验，今日，终于瓜熟蒂落，水到渠成啦，接落来，我代 表 关于同志近三年现实表现材料材料类招标技术评分表图表与交易pdf视力表打印pdf用图表说话 pdf 中华人民共和国爱情办公室，代表中国民族婚姻美满办事处，邀请我地在场所有来宾用我地最热烈既掌声请我地既新郎同新娘，手挽住手，肩并住肩步入大厅，（童男童女手拿花篮系新人面前洒花瓣） 2、介绍新人。 各位来宾，各位朋友。 大家晚上好，首先比d掌声我地今晚既一对新人啦，今晚非常开心系大家能够2月20日星期日晚上光临呢个====酒店参加曾林林先生陈美娟小姐既婚礼，我系主持人annie，我谨代表婚礼主人家对大家既光临表示衷心既谢意。 今晚呢系2月20日，系过往每一年既2月20日系非常之平凡非常之普通既一日， 但系我相信系今日以后既每一年既2月20日，将会系曾林林先生陈美娟小姐最不平凡既一日，因为呢一日见证左距地最浪漫幸福甜蜜既时刻。下面时间掌声祝福呢对新人永结同心，百年好合。 3、证婚： 婚姻是爱情既里程杯，亦系爱情升华既开始，今晚，我们既新人将共同走入自己既小家庭，呢个小家庭应由法律来做保证，系我地的婚礼现场荣幸地请到来自（职务）的特别嘉宾，做我们新人的证婚人，有请证婚人。。。。先生为新人宣读并颁发结婚证书，掌声有请。。。（拉德斯基进行曲） 4、主婚人致辞 今日呢对新人系呢个神圣的婚礼殿堂，启动距地美满幸福家庭的开始，距地能够有今日呢个美满幸福时刻，全赖有距地既父母既悉心栽培同教导，可以讲，水有源，树有根，永世不忘父母恩，今日结婚成家业，尊老孝仁敬双亲。 我地大家用最热情的掌声请出呢对新人既伟大既父母，好吗？有请。。。。。 甘今晚，距地见到自己既子女长大成人，成家立室，步入距地人生一个重要既阶段，相信距地都有一番说话要同大家讲，首先请新郎既爸爸。。。讲话，大家掌声欢迎。（爸爸讲话） 多谢晒曾爸爸，请入座。 我地见对新人既父母今日都非常开心啊，我地广东人有句俗语叫： 岳父岳母女婿，口水嗲嗲帝 下面我地同样用最热烈既掌声请我地既新娘既爸爸讲话：大家掌声欢迎 （陈爸爸讲话） 多谢晒陈爸爸，请入座。 5、爱情宣誓。 此时此刻，相信呢对新人都非常之激动，非常之兴奋既。 下面请两位新人面对面，手拉手，你地将进行你地人生之中最神圣既时刻，用你地最深情既眼神望住你对面既爱人，从今日此时此刻开始，距将成为你生命中最爱既伴侣，无论以后发生咩事，贫穷或富贵，健康或疾病，顺境或逆境，你们都要不离不弃，无怨无悔，请问新郎哥，曾林林先生，你是否愿意成为陈美娟小姐一生一世既丈夫，从此之后，对距不离不弃，无怨无悔，你愿意吗？（新郎答） 请问新娘子陈美娟小姐，你是否愿意成为新郎哥曾林林先生一生一世既最爱，从此陪系距身边，无论以后，顺境或逆境，你地都会相濡以沫，相伴一生，你愿意吗？（新娘答） 祝福呢对新人，所以系呢个时候，需要一个永久既见证，请新郎哥为你既爱人带上戒指，钻石恒久远，一颗永流传，戒指系圆既，距永无终结，同时亦代表呢对新人婚姻是永无终结。 请新娘为你既爱人戴上戒指，当呢个戒指戴上无名指既一刻，你们将心心相印。 呢个系你地一生人之中既承诺，请各位来宾掌声祝福呢对新人百年好合，永结同心。 系结婚前，每一个女子都是一个单翼既天使，只有距遇到距心爱既人时，距先能够展翅高飞。 6、倒香槟，交杯酒，切蛋糕。 请一对新人衣家开香槟， 香槟一开，好事自然来，亦代表距地既感情可以细水长流。让我地衷心祝福一对有情人终成眷属，亦祝福在场所有伴侣可以情深意更长。 系中国既仪式上，呢对新人系需要一个仪式，就是饮交杯酒啦。 饮过交杯酒，一世无烦忧， 饮过交杯酒，天长又地久， 饮过交杯酒，孩子今晚就会有。。。。 恭喜一对新人， 饮过交杯酒后呢，甘甜蜜时刻，肯定系来到呢个像征住甜蜜幸福既切蛋糕仪式。 请新人移步来到蛋糕面前，新人系切蛋糕前要许愿，让我地默默为呢一对新一齐祈祷，祝福距地爱情坚如磐石，婚姻幸福美满。 请新人系蛋糕从下面切起，像征你地既爱情步步高升。 蛋糕像征甜蜜与幸福，祝愿你地既婚姻生活越来越甜蜜，越来越幸福。 7、接吻仪式。 接下来，大家觉得够尽兴未啊。 大家想吾想睇d激少少既野。 呢个环节系被评为婚礼最受欢迎环节，呢个系要家长指引的环节。 大家估吾估到系咩野啊？ 甘呢个环节文雅d叫吻，英文叫kiss。有d人好简一个字，叫 嘴 甘衣家我问新郎哥，最长的纪录你系几耐啊？（新郎答：） 甘你今晚可以破纪录吗？。。。。。 甘大家收吾收货啊，蜻蜓点水甘，甘求其咖，爱情长长久久，甘好意头d，来个长长久久，嘴9秒世纪之吻好吗？ 大家比d掌声呢对新人，我地大家一齐来数 9，8，7，6，5，4，3，2，1。 哗，呢个世纪之吻纪录你地永恒的一刻。也祝福你地既爱情长长久久。 见证你地幸福甜蜜既开始。 8、感恩： 呢个时刻，相信呢对新人最想感谢既人系距地既父母。，新郎新娘，系你地呢最刻骨铬心既一刻，你地请携同你地既爱人前往你父母座位到， 新郎新娘，请并肩向你地既父母行答谢礼，进行三鞠躬，一鞠躬，多谢距地对你地既养育之恩。二鞠躬多谢爸爸妈妈将你悉心教诲，三鞠躬，愿爸爸妈妈身体健康，长命百岁。 请新郎叫岳父爸爸妈妈，（新郎叫）（岳父红包）请新娘称呼你既老爷奶奶爸爸妈妈。（新娘叫）（红包） 9抛花球： 呢个时候，新娘子都会好希望将距既幸福传递比一位姐妹既，我相信各位来宾都会见过抛花球既仪式，系呢刻，请全场所有未婚既女士，企上来，接受我地新娘幸福既传递。 有请所有姐妹。 （中了一个，）除左花球之外，重有一份大礼要送比呢位幸运儿既，就系苹果笔记本。 幸运儿讲话。 10、宣布婚礼仪式礼成。 多谢晒呢位姐妹，呢位幸运儿，好啦，新娘就将距既幸福传递比呢位幸运儿咯，接落来，请两位新人一齐跑向美好既明天，请掌声祝福呢对新人永结同心，百年好合，祝福你地一帆丰顺，幸福如常， 各位来宾，各位朋友，我地呢对新人既婚礼仪式已经礼成。 我地既主人家准备左丰富既佳肴美酒款待各位来宾，希望大家今晚食得开心，玩得愉快。 下面我宣布，晚宴，正式开始。（音乐响起。） 11，晚宴开始， 12、第四道菜，开始敬酒， 13、送客， 14，全家福。