放学了后
放學了後 董淑連96/7/25
各位評審各位來賓逐家好,我今仔日欲演講的題目是「放學了後」,「放學了後」。
放學進前,坐挺挺,看頭前,所有的課程學校來決定,考東考西比才能;
放學了後,功課緊完成,摸東摸西、唱歌拉曲好心情,跳高跳低,做啥乜攏會
用。放學了後才是阮真真正正的時間,阮會凍照家己的興趣,做家己合意的代
誌,只要是正正當當,莫為非滲做,袂削序大人面子的代誌攏會使。
放學了後,每一個人的安排攏無仝,有人雖然是真無願意,嘛是愛照序大
人的意思去補習班、才藝班補習,學東學西,講安呢才袂輸人,以後才會有出
脫,我就是其中一個;有一寡人,真幸福,放學了後就乎爸母載轉去,點心、
涼水傳便便,電視節目看咯儃,冷氣開開袂輸是神仙;嘛有一寡人毋知影- - -死活,一放學厝道無行跤到,冊包揹咧就走對電腦間仔去拍電動,hiam3- - -- -- -拍到目睭起煙霧,才想著日頭暗,功課猶未寫,即聲轉去到厝穩當會「乎人」剝
皮袋粗糠,真想袂曉,遮兮人頭殼內到底是貯裝啥乜,了錢無打緊擱討()(kin3)
皮痛,唉!真正是「會曉算,袂曉除,糶米換番薯」。
阿若我咧,我放學了後,頭一件代誌,就是共枵咯大腸告小腸兮腹(tsan5)
肚先款予飽,有一句話講:「先顧腹肚,才顧佛祖」,腹肚先顧乎飽,才有法度
做其他的代誌。所以阮巷仔口彼間「天下第一味 — 阿珠仔鹽酥雞」,芳貢貢、貢
貢芳兮氣味共我咯喙瀾插插滴,我總會買一塊香擱脆,俗擱大塊兮雞排,siann5
佮一杯飲落到,予你心涼脾土開兮紅茶,就安呢沿路行,沿路享受著這款teh
山珍海味,實在是好食咯會觸舌。人講『瘦田吸水』,安怎食道食袂肥,就gau5
是咧講我啦!
續落來,第二件代誌,巧巧仔人,免講嘛知影是愛緊轉去厝裡寫功課,因為平常時仔老師講的我攏有咧聽,所以家課對我來說就若親像桌頂拈柑咧,兩三下手就寫好矣,安呢毋那予爸母安心,擱予家己放心,免驚隔轉工去學校予老師撞,摸摸頭無啦!人阮老師是真有愛心的,袂遮這麼粗殘啦!()tsing()()
擱來,我就愛去補習班補英語。雖然我學遮濟冬嘛是聽無阿仔咧講啥,tok嘛袂曉用佮因(他們)開講,毋過,人講「有燒香有保庇,有食藥有行ABC
氣」,只要我繼續打拼,莫放棄,相信總有一工,我的英語一定會親像台語仝款,講咯嘎嘎叫。
放學了後的時間,講長無長,講短無短,若是會凍好好仔安排,對咱的學習一定有真大的幫贊。假使你現此時若無安排,建議恁趕緊一張適合你家己lik
的時間
表
关于同志近三年现实表现材料材料类招标技术评分表图表与交易pdf视力表打印pdf用图表说话 pdf
,好好仔把握時間。
我的演講就講到遮,感謝逐家!