答喙鼓(一):天乌乌欲落雨
答喙鼓(一):天烏烏欲落雨
阿公:天烏烏,欲落雨,夯鋤頭緊來去掘芋,才勿會拄著落大雨。
掘啊掘!掘啊掘!
唉喲!那會有這大尾的旋鰡嘏,啊今就趣味啊!
掠轉來去煮鹹,挺好食咧三碗公蕃薯飯。
阿媽:「醫生驚治嗽,總舖驚食晝」,老阿婆驚無魚通好落鼎灶--------
啊!這尾鰗鰡拄好煮來鬥。
阿公:小等一下,鰗鰡是我掘到的,煮鹹來配蕃薯飯上蓋讚。 阿媽:干但無愛,活跳跳的鰗鰡,用薑絲來煮清湯上合味。 阿公:免想,鼎提來我家己煮。
阿媽:免肖想,我欲煮湯……
阿公:我欲煮鹹….
阿媽:煮湯…
阿公:煮鹹的…
阿媽:煮汫的…
阿公、阿媽:啊!(鼎摃破)
阿媽:想起當初你欲佮我定親情,媒人好話講彳各規大攤,
講啥乜「手指掛予正正正,入門一定得人疼」,
佫講「手指掛予深深深,新郎新娘較同心」,
等到紅頂四轎結彩帶,水潑落地起轎行,以為幸福人生從此定,
哪知到今鹹汫都舞勿會定,閣較免講欲佮我惜命命。 阿公:沒講沒氣,愈講愈火大,
當初彼個媒人喙糊瘰瘰,講妳是幼秀擱賢慧,有口才抑有內才,
害我叫是娶到三寸金蓮小,
那知妳的外號號做水桶腰,
嫁來阮兜叫我惜,我是若想若毋著,
今仔日果然龜跤趖,佮我拍佮貼膏藥,
早知就共妳離去海口賣青蚵。
阿媽:你為著一尾鰗鰡,拍破我這口四十年的老鼎,閣講欲佮我離去海口賣青蚵,
原來當初咒誓,海水會乾、石頭會爛,對我永遠勿會變掛,
如今為著一尾鰗鰡感情煞,一切攏是假个啦! 阿公、阿媽:事到如今歹收煞,後悔不及欲按怎?
包袱仔款款个做我行,莎喲哪啦,永遠勿會閣斡頭看。 阿公、阿媽:哼!(轉身離開)
本文档为【答喙鼓(一):天乌乌欲落雨】,请使用软件OFFICE或WPS软件打开。作品中的文字与图均可以修改和编辑,
图片更改请在作品中右键图片并更换,文字修改请直接点击文字进行修改,也可以新增和删除文档中的内容。
该文档来自用户分享,如有侵权行为请发邮件ishare@vip.sina.com联系网站客服,我们会及时删除。
[版权声明] 本站所有资料为用户分享产生,若发现您的权利被侵害,请联系客服邮件isharekefu@iask.cn,我们尽快处理。
本作品所展示的图片、画像、字体、音乐的版权可能需版权方额外授权,请谨慎使用。
网站提供的党政主题相关内容(国旗、国徽、党徽..)目的在于配合国家政策宣传,仅限个人学习分享使用,禁止用于任何广告和商用目的。